ريفيو عن 2 من مقويات فلورمار

بسم الله الرحمن الرحيم 

السلام عليكم ورحمه الله وبركاته 

كيفكم ان شاء الله تمام 

.

.

.

.

اليوم حتكلم عن مقويين من مقويات فلورمار المقويين دولا من المجموعه الا تسمح للأضافير بالتنفس 

اسمها ( PURE O2 )

الا حبيتو في المجموعه دي بشكل عام انها تسمح للضفر بالتنفس يعني ماتحسي انك حاطه مناكير او طبقه على ضفورك وغير كدا قوامها خفيف مو مرا تقيل وسعرها رخيص 19 ريال 

.

.

.

.

أول شي حأتكلم عن (Hardener )

عباره عن مقوي للأضافر 

لونو في العلبه موفي فاتح بس لمن تحطيه على الضفر يكون شفاف تماما 

جداا جداا حبيتو 

أول شي عشان من جد قوى أضافيري ومررا حسيت بفرق وانا استعملو 

كان عندي ضفرين دايما لمن تطول تنحني على اسفل بس بعد مااستخدمت دا المقوي من جد مررا اتحسنت صح ماراح الانحناء تماما بس خف مررا كتيير الحمد لله  وغير كدا الحمد لله ماصارت تتكسر كتير 

تاني شي دايما المناكيرات او المقويات الا زي كدا لمن توصلي تقريبا للأخير يبدأ يتغير قوامها وتصير تقيله بس دا مررا لأ يعني شايفين الصوره قد ايش واصل وما أتغير القوام حقو نهائيا 

وأهم من دا كلو ينشف بسسرعه 

تاني شي  ( Vitamin booster )

عباره عن فيتامين لتغذيه وتقويه الأضافر 

كنت أحطو بالتناوب مره دا ومره المقوي حسيت اضافيري صارت صحيه أكتر ماشاء الله 

بس صراحه حبيت المقوي اكتر لاني حسيت هوا الا من جد أحتاجو لانو اضافير ضعيفه فأحتجت شي يقويها

فلمن صارت أقوى الحمد لله ركزت على دا عشان يغذي الضفر 

يعني ازا انتي أضافيرك اصلا ماشاء الله قويه يكفي انك تستخدمي المغذي وخلاص 

طريقتي في استعمالهم 

طبعا لأنهم مناكير يعني يمنعو الوضوء احطهم كل يوم من بعد العشا وأخليهم الين تاني يوم ولمن أصحي أمسحهم 

وبرضو لمن اخرج سوق او جامعه احطو لاني احس اضافيري تكون معرضه للكسر اكتر لمن اخرج فأحط منو 

و ينفع كمان تحطيهم كبيس كوت تحت المناكير 

العيب الوحيد إلا لاحظتو امكن منهم او امكن من شي تاني مااعرف الا هوا انو اضافيري صارت صفرا شويه 

لاني كل يوم احط منهم فقلت امكن دا السبب او امكن لانو أضافيري قويت فغمق لونها أو امكن من المناكير الله أعلم 

بس أهم شي ازا حتحطوه كل يوم شيلوه بمزيل مناكير بدون اسيتون عشان لا تنعدم اضافيركم ورطبو اضافيركم ويدكم دايما 

ان شاء الله تكونو استفدتو من الموضوع 

أشوفكم في بوست تاني 

مع السلامه