إصنعي إستيكر مناكير بنفسك في المنزل

السلام عليكم ورحمه الله وبركاته

كيف حالكم (:

بوست اليوم حيكون ( كيف تسوي إستيكر مناكير بنفسك )

الأشياء الا تحتاجيها مكتوبه في الصوره بس برضو حأكتبها هنا ..=)

1-     كيس شفاف بلاستيك

2-     طابعه مناكير

3-     ألوان مختلفه من المناكير

4-     توب كوت سريع الجفاف أو مناكير شفاف

5-     فرشه نحيفه أو أداه تنقيط أو عود أسنان

  

ملاحظه: طابعه المناكير ممكن تستغني عنها وترسمي بنفسك ..(: 

 أول خطوه : تجيبي ورقه وترسمي عليها مربع أو مستطيل على حسب طول أضافيرك بعدين تاخدي الكيس البلاستيك الشفاف وتحطيه فوق الورقه وتجيبي التوب كوت أو المناكير الشفاف  وتحطي منو طبقه على الكيس الشفاف على حدود المربع الا رسمتيه .

 تاني خطوه : أختاري الشكل الا تبغيه من الطابعة أو أرسمي بنفسك

تالت خطوه : بعد ماينشف التوب كوت (المناكير الشفاف ) (3 – 5 ) دقائق أطبعي الشكل الا أخترتيه فوق التوب كوت أو أبداي أرسمي بنفسك

رابع خطوه : بعد ماتطبعي او ترسمي دحين يجي دور التلوين استخدمي فرشه نحيفه أو أداه تنقيط أو عود اسنان وأبدأي لوني

هنا لونت الأقواس الكبيره باللون الوردي 

وبعدو لونت الأقواس الصغيره بالأبيض

ملاحظه: عادي لو خرج اللون وجا على الاسود لانو محا يبان لمن ترفعي الكيس وتطالعي من الناحيه التانيه =)

خامس خطوه: بعد ماتنشف الالوان تماما حطي طبقه توب كوت وبعد ماتنشف الرسمه تماما 

(7 -10 ) دقائق بيدك او بملقات ارفعي الاستيكر 

أخر خطوه : قصي الاستيكر على مقاس ضفرك  وحطي اللون الا تحبيه على ضفورك(هنا استعملت لون موف فااتح ) وبعد ما ينشف اللون الا على ضفرك حطي الاستيكر ( ممكن تحطي شويه مناكير شفاف عشان تلصقي بيلو الاستيكر )

وإزا في زوائد ممكن تنضفيها بفرشه ومزيل مناكير

ودي النتيجه النهائيه ..=)

هنا طريقه ثانيه

ما يحتاج اشرحها لأنها نفس الا فوق بس بدل ماترسمي أو تستخدمي الطابعة  حطي لون واحد  و استنيه ينشف وشيليه وقصيه زي ما تحبي و لصقية على ضفورك 

وبكدا أكون وصلت لنهايه البوست إن شاء الله يارب يكون مفيد وعجبكم 

المميز في دي الطريقه إنك تقدري تبدعي زي ماتحبي بكل الطرق وتقدري كمان تسويها وتخليها على الكيس البلاستيك كم يوم وبعدين تستخدميها وقت ما تحبي =) 

أشوفكم في بوست جديد 

مع السلامه .... :)