بانكيك النوتيلا والفراوله

السلام عليكم ورحمه الله وبركاته

كيفكم إن شاء الله تمام

بوست اليوم حيكون عن " طريقه بانكيك النوتيلا والفراولة "

المقادير الإتحتاجيها : ( الكميه تكفي 4 – 5  قطع بانكيك متوسطه ) :

1 كوب دقيق
2 ملعقة بيكينق بودر
1 ونص ملعقة سكر
نص ملعقة ملح
2 ملعقة زبده
1 كوب حليب
1 بيضه
1 ملعقه فانيلا سائله 
نوتيلا 
فراولة

الطريقة :-

حطي كل المقادير الجافة مع بعض بعدو ضيفي عليها المقادير السائلة

وقلبي الخليط مزبوط الين ما يكون قوام الخليط وسط لا خفيف ولا تقيل.

ملاحظه (الحليب ممكن تزودي أو تقللي الكميه على حسب الحاجة )

بعدو جيبي الطاوة وخليها تحمى كويس إذا الطاوة حقتك مهي ضد الالتصاق حطي شوية زبده أو زيت وبعدو حطي كميه من الخليط خليه الين ما تبدأ تطلع فقاعات على الاطراف و الوسط زي الصورة الا تحت 

.

 .

 لمن تبدأ تطلع الفقاعات وتحمر من تحت يجي الوقت الا تقلبيها بعد ماتقلبيها خليها دقيقه تقريبا وبعدو خلاص شيليها 

بعد ماتخلصي كل الكميه جيبي صحن وحطي أول قطعة بانكيك 

بعدو جيبي النوتيلا ودهنيها فوق قطعه البانكيك 

وقطعي الفراولة شرايح مدوره ورصيها فوق النوتيلا 

بعدو جيبي قطعه نوتيلا تانيه وحطيها فوق القطعه الأولى وكرري نفس الخطوت 

أنا سويت تلاته طبقات أحسها كميه كويسه بس ممكن تزودي او تقللي على حسب ماتحبي 

ودا الشكل النهائي 3> 3>

.

.

.

وهنا شكلها لمن تقطعيهاا 

صراحه شكلها وطعمها دمااااااار لا تفوتكم لاازم تسووها وجدااا سهله 

وكدا وصلت لنهايه البوست يارب تكون الطريقه عجبتكم وتطبقوها 

لا تنسوو ازا سويتوها تسوولي منشن في الانستقرام إسمي ( Tutawiyeh )

وبالعاافيه عليكم مقدماا :) 

.

.