السلام عليكم ورحمه الله وبركاتهكيفكم ان شاء الله تمام
بوست اليوم فيلو كميه جمااال موطبيعيه
ان شاء الله يعجبكم
.
.
.
بوست اليوم ريفيو لباليتات الطباعه من مويو لندن ( Moyou London )
مويو لندن شركه بريطانيه مختصه في باليتات الطباعه ومناكيرات الطباعه
وهادا موقعهم الرسمي www.moyou.co.uk
الموقع صراحه حاجه جناااان لمن تدخلي حتتجنني من جمال الباليتات والتغليف حقها
الباليتات حقتهم مقسه لكاتيقوري او أقسام زي مثلا باليات لها علاقه بالطبيعه باليتالت لها علاقه بالفيري تيل او القصص الخياليه باليتات لها علاقه باليابان واقسااام كتيير حتحتاري ايش تختاري كل باليت أحلى من التاني.
مو بس الباليتات النقشات الا عليها حلوه لا كمان المغلف الا يحطو فيلو الباليت مررا يجنن وكل قسم المغلف حقو مختلف عن التاني وجودتها ماشاء الله مررا كويسه.
الميزه الا برضو عجبتني في الموقع عندهم باليتات مقاساتها صغيره للي ضفورهم قصيره وباليتات مقاساتها اكبر للي ضفورهم طويله
عرض الباليت 12 سم وطولو 6 سم
قياسات النقشات الا فيلو 2 سم - 1.5سم هادا بالنسبه للنقشات الكبيره
اما النقشات الصغيره فقياساتها 1.5 سم - 1.2 سم
الحلو في الموقع عندهم شحن مباشر للسعوديه على سمسا ( فيديكس سابقا ) وشحنهم جدا سريع ماشاء الله
تقريبا أقل من اسبوعين وصلتني الاشياء ماشااء الله وقيمه الشحن أعتقد كانت بـ 50 ريال
وسعر الباليت الواحد 4.99 جنيه استرليني يعني تقريبا بالريال 25 ريال
وصراحه يستاهل دا السعر
.
.
.
أول شي كل الباليتات يجي عليها غلاف بلاستيكي أزرق يحميها
فقبل ماتستخدميها شيلي الغلاف الأزرق
وعلى كل غلاف حاطين تعليمات بالكتابه وبالصور كيف تستخدمي باليت الطباعه
صراحه كان جدااا صعب الاختيار من بين الباليتات الا في الموقع
كل واحد أحلى من التاني من جد مررا تحتاري
ودي هيا الباليتات الا أخترتها بعد معاناه وحيره
.
.
.
أول باليت أخدتو من مجموعه المكتشفه ( Explorer ) ورقمو 3
نقشاتو تشبه نقشات الحنه مررا حبيتها مو شرط تستخدمي النقشه كلها ممكن جزء منها وتطلع مرا حلوه
تاني باليت من مجموعه الفاشن ( Fashionista ) ورقمو 4
تالت باليت من مجموعه الأميره ( Princess ) ورقمو 11
مرره حبيتو خاصه نقشه الفيسات تاني وحده من اليسار في الصف الاخير
رابع باليت من مجوعه (Suki ) جموعه أغلب نقشاتها يابانيه رقمو 1
هادا النوع من الباليتات تجيكي رسمه كبييره وفيها نقشات ختاري منها
مرره حبيت رسمه البومه
خامس باليت برضو من مجموعه ( Suki ) ورقمو 11
رسمه البنت الا بالكيمونو تجججنن بشكل مو طبيعي اخدت دا الباليت بس عشانها
سادس باليت برضو من مجموعه ( Suki ) رقمو 3
سوووبرر كاااوااايي دا الباليت اخدتو عشان اختي مرررا عجبها وحتا انا عجبني
سابع باليت من مجموعه كتاب الطبخ ( Cook Book ) رقمو 7
داا الباليت لزييز أكتر شي حبيتو نقشات الكب كيك والدونات
تامن باليت من مجموعه الطبيعه ( Mother Nature ) رقمو 1
باللهي مو دا الباليت كميه جماال مو طبيعيه
تاسع باليت من مجموعه ( Doodles ) رقمو 2
عباره عن نقشات كتيير داخله في بعض مررا حبيتها ممكن تستخدميها مع بعض وممكن تستخدمي كل نقشه لحالها
وكمان مررا حبيت الورود الا فوق
أخر باليت من مجموعه ( Pro ) رقمو 10
الباليت عباره عن نقشات ورود مختلفه
.
.
.
وبكدا وصلت لنهايه البوست إن شاء الله يارب عجبكم وأتجننتو زيي بجماال دي الباليتات
أشوفكم في بوست جديد
مع السلامه
.
.
.
No comments:
Post a Comment