بسم الله الرحمن الرحيم
السلام عليكم ورحمه الله وبركاته
كيفكم ان شاء الله بخير
بوست اليوم ان شاء الله حيكون
( كيف تسوي سوشي في البيت )
نبدأ أول شي في المقادير :-
1-رز ياباني أو رز مصري
2- سي وييد أو عشب النوري ( طلبتو من تاجره وممكن تلاقوه في البقالات الاندونوسيه او الكوريه )
3- أصابع السلطعون ( تلاقوها في بن داود او الدانوب )
4- خيار مقطع شرائح رفيعه
5- جزر مقطع شرائح رفيعه
6- الشي الاصفر دا مخلل الفجل الاصفر مقطعتو برضو شرائح (طلبتو من تاجره )
7- تونه مخلوط معاها مايونيز وملح وفلفل وشويه خل
8- الا في الزبديه التانيه عباره عن اصابع السلطعون مفتته وحاطه عليها مايونيز
ملاحظه : ( تقدري تستخدمي اي حشوه تبغيها مو شرط الاشياء الا استخدمتها )
أول شي حأقولكم طريقه طبخ الرز
تغسلو المقدار الا تبغوه من الرز 5 او 6 مرات وتخلوه منقوع في المويه نص ساعه
بعدين تجيبو قدر وتحطو الرز فيلو وتحطو عليه مويه مقدار المويه يكون اعلى من الرز بأصباعين
وتحطوه على النار بدون اي اضافات تانيه
اول ماتشوفوه يغلي قلبوه شويه وبعدو غطوه وخلو النار واطيه لمده 10 دقايق
بعد كدا طفو النار وخلوه ربع ساعه بدون ماتكشفو الغطا
في دا الوقت نسوي الخلطه الا نحطها على الرز
عباره عن نص كوب خل ابيض او خل الارز + 2 ملعقه سكر + نص ملعقه ملح تخلطوها مع بعض وتحطوها على الرز
دحين نجي لطريقه السوشي
تجيبو ورق السوشي وتحطو عليه الرز على الجهه الخشنه مو الناعمه ماتغطو الورقه كلها لااا تسيبو جزء بسيط زي في الصوره
بعدين تحطو الحشوه الا تبغوها مو في النص لا على فوق شويه
انا هنا حطيت أصابع السلطعون وخيار وجزر ومخلل الفجل الاصفر
بعدين تبدأو تلفوو ورق السوشي زي دا الفديو في الدقيقه 2.04
الفديو
والمسافه الزايده الا ماحطينا فيها رز نحط فيها شويه مويه عشان يلصق ورق السوشي وماينفك
وهنا حشوه تانيه تونه مع خيار وجزر ومخلل الفجل الاصفر
وبرضو نلفها بنفس الطريقه
هنا طريقه تانيه نقص ورق السوشي بالنص
ونوزع الرز على الورقه كلها صراحه اشوف توزعو الرز بدا الشي حق الكيك احسن من اليد لانو الرز مرررا يلصق
وازا تبو توزعوه بيدكم لازم تغطسو يدكم في مويه بارده بعدين تمسكو الرز وتوزعوه وزي كدا وصراحه اشوف دي الطريقه فيها لغوصه وحوسه فاحسن بحقت الكيك :)
بعد ماتوزعو الرز تقلبو الورقه بحيث يكون الرز تحت والورقه فوق
وتحطو الحشوه حاولو ماتكترو حشوه عشان تقدرو تسكو السوشي مزبوط
دي الطريقه يكون الرز من برا بعكس الطريقه الا قبل الرز من جوا
وسوو قد ماتبغو وحطو اي حشوه تبغوها الين ماتخلصو الرز
دحين الا الرز حقها من برا ممكن تحطو عليها سماق يعطيب طعم لزيز او بقسماط ياباني اسمو بانكو ( طلبتو من تاجره )
يعطيه قرمشه لزييره تو كمان ممكن تحطو سمسم او حبه سودا اي شي او كمان ممكن تخلوه ساده
اما الا الرز من جوا وورق السوشي من برا ماتقدرو تحطولها شي ممكن ازا تبغو تحطو حطوه من جوا ولفوه مع الرز والحشوه بس طبعا محا يبان من برا
دحين نجي لتقطيع السوشي
لاااازم تستخدمو سكينه حاده اول شي تجيبو السوشي تقطعوها بالنص بعدين تقطعو النص كمان نص بحيث يصير عندكم اربعه حبات سوشي ونفس الشي للشكل التاني الا الرز من برا
او ازا تبغوها انحف ممكن تقطعوها كمان يصير عندكم 8 حبات سوشي
وبس
ودي النتيجه النهائيه
No comments:
Post a Comment